இலங்கை விவகாரம் : மக்களவையில் டி.ஆர். பாலு நாடகம்

இனப்படுகொலைக்கு ஆளானவர்கள் எண்ணிக்கையைக் குறைத்துக் கூறுவதையும் இன அழிப்பு என்று சொல்லாமல் உள் நாட்டுப்போர் என்று சொல்வதையும் பார்க்கும் பொழுது இவ்வாறு பேசுவதாகச் சோனியாவிடமும் இராசபக்சேவிடமும் இசைவு பெற்று விட்டுத்தான் நாடகம் ஆடுகின்றனர் போலும்! கிழிந்த முகத்திரையுடன் நாடகம் ஆடிப் பயனில்லை! மனம் மாறிப் பாவத்திற்குக் கழுவாய் தேட விரும்பினால் போர்க்குற்றவாளிகளான சிங்கள , இந்திய ஆட்சியாளர்களும் அதிகாரிகளும் தண்டிக்கப்பட வேண்டும் என முழங்க வேண்டும்! இனப் படுகொலையாளர்களுக்குத் தண்டனை வழங்க வகை செய்ய வேண்டும்! பொழுது போகவில்லை என்று அவர்கள் வேண்டுமானால் நாடகமாடலாம்! பார்ப்பதற்கு மனித நேயர்களுக்கு நேரமில்லை!
அன்புடன் இலக்குவனார் திருவள்ளுவன் / தமிழே விழி! தமிழா விழி!எழுத்தைக் காப்போம்! மொழியைக் காப்போம்! இனத்தைக் காப்போம்!/

+++++++++++++++++++++++++++++++++++++++++++++++++++++++++

இலங்கை விவகாரம் : மக்களவையில் டி.ஆர். பாலு விவாதம்

By dn, புது தில்லி

First Published : 07 March 2013 12:33 PM IST

• புகைப்படங்கள்

• 

இலங்கை விவகாரம் தொடர்பாக மக்களவையில் இன்று திமுக நாடாளுமன்ற உறுப்பினர் டி.ஆர். பாலு பேசினார்.
மக்களவையில் இன்று அவை விதி 193ன் கீழ் இலங்கைத் தமிழர் பிரச்னை பற்றி விவாதம் நடத்த மத்திய அரசு ஒப்புக் கொண்டதை அடுத்து இன்று காலை  விவாதம் துவங்கியது.
அதில், திமுக நாடாளுமன்ற உறுப்பினர் டி.ஆர் பாலு, இலங்கை தமிழர் விவகாரம் குறித்து பேசினார்.
அவர் பேசியதாவது, "இலங்கை விவகாரத்தில் அரசின் நிலைப்பாடு குறித்து மத்திய அரசு தெளிவாக விளக்க வேண்டும். இலங்கை வாழும் தமிழர்களை காக்கும் நிலைப்பாடுகளை இந்தியா முன்னெடுக்க வேண்டும். இலங்கையில் தமிழர்கள் தொடர்ந்து நசுக்கப்பட்டு வருகின்றனர். அவர்களது உரிமைகள் பறிக்கப்பட்டுவிட்டன. போருக்கு பிறகு இலங்கையில் இருந்து சுமார் 1,20,000க்கும் அதிகமான தமிழர்கள் இடம்பெயர்ந்துள்ளனர். தற்போதும் அங்கு தொடர்ந்து மனித உரிமைகள் மீறப்பட்டு வருகின்றன. தமிழகர்கள் வாழ்ந்ததற்கான அடையாளங்கள் அழிக்கப்பட்டு வருகின்றன. அவர்களது நிலங்கள் ராணுவத்தால் கையகப்படுத்தப்பட்டுள்ளது.
இலங்கை உள்நாட்டு போரின் போது சுமார் 40 ஆயிரம் தமிழர்கள் கொல்லப்பட்டுள்ளனர். இலங்கையில் தமிழ் பெண்களும், குழந்தைகளும் கொடூரமாகக் கொல்லப்பட்டுள்ளனர். தமிழ் இனத்தைச் சேர்ந்த ஆண்களை இலங்கை ராணுவம் தொடர்ந்து துன்புறுத்தி வருகிறது. போரினால் ஏராளமான தமிழ் பெண்கள் கணவரை இழந்துள்ளனர். பெற்ற மகனை இழந்துள்ளனர்" என்று பேசினார்.

+++

கருத்துகள்(5)

கனிமொழி இலங்கை சென்று எல்லாம் நன்றாக இருக்கு என்றார்கள்.இவர்கள் நடத்துவது வெறும் அரசியல். உண்மையில் அக்கறை illai

பதிவுசெய்தவர் Raman  03/07/2013 13:23 இதற்கான பதில் முறையற்ற கருத்து

பன்னாடைக்கு பொன்னாடை போர்த்தியது மறந்து போய்விட்டதோ? போட்டோ எடுத்து தமிழ்நாடு முழுவதும் போஸ்டர் அடிப்போம்டி!

பதிவுசெய்தவர் Pannadai  03/07/2013 14:28 இதற்கான பதில் முறையற்ற கருத்து

நீங்க ஆட்சில இருந்தப்பவே ஒன்னும் புடுங்கல இப்ப என்னத்த புடுங்க போறீங்க ????/

பதிவுசெய்தவர் தமிழன்  03/07/2013 16:38 இதற்கான பதில் முறையற்ற கருத்து

சர்வதேச பத்திரிக்கையாளர்கள் தமிழர்கள் வாழும் பகுதிக்கு சென்று சுதந்திரமாக செய்தி சேகரிக்க அனுமதிக்கப்பட வேண்டும். இது காயம்பட்ட எம்மக்களுக்கு சிறிது ஆறுதலாக இருக்கும்.ஓரளவேனும் உண்மை வெளிவர இது வழியாகும்.

பதிவுசெய்தவர் ரா.குமார்  03/07/2013 19:18 இதற்கான பதில் முறையற்ற கருத்து

தமிழருக்கு என்ன செய்ய வேண்டும் எது செய்ய வேண்டும் என்று அவர்களுக்கு என்ன தீர்வு வழங்கப்பட வேண்டும் என்று எதுவும் கூறாமல் எதை பற்றி பேசுகிறோம் எது பற்றி பேச போகிறோம் என்று தெரியாமல் ஐயகோ ஐயகோ இன்றி மக்களவையை ஒன்றுமில்லா பிரயோசனமில்லா ஒரு மணி நேரத்தை அனியாயமாக்கி விட்டார்கள் இந்த வந்தேறி திராவிட முன்னேற்ற கழக தெலுங்கர்கள் இவர்கள் ஒதுக்கிய நேரத்தை ஈழதமிழருக்கு பிரயேசனம் அல்லாத விடயத்தை பேசியதிலும் பார்க்க தமிழகமக்களின் நலன்களையாவது பேசியிருக்கலாம் இதற்கு பெயர் தான் திராவிடம் திராவிடர்

பதிவுசெய்தவர் தஞ்சைமைந்தன்  03/07/2013 20:05

மக்களவை முன்னவர் சுசீல் குமார்

ஆங்கிலத்தில் உள்ளவாறு தமிழில் மொழி பெயர்த்துத் தலைவர் எனக் குறிப்பிட்டு  இருந்தீர்கள்.முன்னவர் எனக் குறிப்பிட வேண்டும் எனச் சுட்டிக்காட்டியதும்  முன்னவர் எனத்  திருத்தி உள்ளீர்கள். திருத்தப்பட்டதும் ஒரு  செய்தியாகத்தான் காட்சி அளிக்கிறது. திருத்துமாறு வேண்டிய கருத்தும் இடம் பெற்று திருத்தப்பட்ட செய்தியும் இடம் பெற்றால்தான், தினமணி வாசகர் கருத்திற்கு முதன்மை அளிப்பதும், தவறு எனத்  தெரிந்தால் திருத்திக் கொள்ளும் பண்பு உடையது என்றும் வெளிப்படுகிறது. ஆனால், நீங்கள் எதிர்மறையாக எழுதி உள்ளீர்கள். பின்னூட்டக் கருத்தும் இடம் பெற்று திருத்தி விட்டதாக உங்களின் குறிப்பும் இடம் பெற்றால் சிறப்பன்றோ! அன்புடன் இலக்குவனார் திருவள்ளுவன் / தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்! /

 

மக்களவை முன்னவர் சுசீல் குமார்

First Published : 04 Aug 2012 02:43:49 AM IST

Last Updated : 04 Aug 2012 05:49:11 AM IST

புது தில்லி, ஆக.3: குடியரசுத் தலைவராக பிரணாப் முகர்ஜி தேர்ந்தெடுக்கப்பட்டதால், மக்களவையின் அவை முன்னவராக மத்திய உள்துறை அமைச்சர் சுஷீல் குமார் ஷிண்டே தேர்ந்தெடுக்கப்பட்டுள்ளார். பிரதமர் மன்மோகன் சிங், இந்தப் பதவிக்கு அவரைத் தேர்ந்தெடுத்ததாக நாடாளுமன்ற விவகாரத் துறை அமைச்சர் பவன் குமார் பன்சால் தெரிவித்துள்ளார்.இதுபற்றி சுஷீல் குமார் ஷிண்டே செய்தியாளர்களிடம் கூறுகையில், என்னை மக்களவையின் முன்னவராக தேர்ந்தெடுத்த பிரதமர் மன்மோகன் சிங் மற்றும் காங்கிரஸ் தலைவர் சோனியா காந்தி ஆகியோருக்கு எனது உளமார்ந்த நன்றியைத் தெரிவித்துக் கொள்கிறேன் என்றார்.முதுபெரும் காங்கிரஸ் தலைவரான ஷிண்டே (71), மத்திய மின்துறை அமைச்சராக இருந்தார். கடந்த செவ்வாய்க்கிழமை நடந்த மத்திய அமைச்சரவை மாற்றத்தின்போது, உள்துறை அமைச்சராக இருந்த ப. சிதம்பரம், நிதி அமைச்சராக மாற்றப்பட்டார். இதனால் உள்துறை ஷிண்டேவுக்கு வழங்கப்பட்டது குறிப்பிடத்தக்கது.பொதுவாக, மக்களவை உறுப்பினராக இருந்தால் அவை முன்னவராக பிரதமர்தான் இருப்பார். ஆனால், பிரதமர் மன்மோகன் சிங், மாநிலங்களவை உறுப்பினராக இருப்பதால் இந்த பதவிக்கு முன்பு பிரணாப் முகர்ஜியும், இப்போது ஷிண்டேவும் தேர்ந்தெடுக்கப்பட்டனர்.

 

+++++++++++++++++++++++++++++++++++++++++++++++++++++++++++++++++++++++++

மக்களவை முன்னவராக சுசில் குமார் சிண்டே தேர்வு

First Published : 03 Aug 2012 04:46:53 PM IST

Last Updated : 03 Aug 2012 11:12:46 PM IST

புது தில்லி, ஆக., 3 : நாடாளுமன்றத்தின் மக்களவை முன்னவராக உள்துறை அமைச்சர் சுஷில் குமார் ஷிண்டே தேர்வு செய்யப்பட்டுள்ளார்.முன்பு மத்திய நிதியமைச்சராக இருந்த பிரணாப் மக்களவைத் தலைவராக இருந்தார். அவர் தனது பதவியை ராஜினாமா செய்து குடியரசுத் தலைவராக பதவியேற்றதைத் தொடர்ந்து அந்த பதவிக்கு கடும் போட்டி ஏற்பட்டது.இந்நிலையில், உள்துறை அமைச்சராக 2 நாட்களுக்கு முன்பு பதவியேற்றுக் கொண்ட சுஷில் குமார் ஷிண்டே மக்களவை முன்னவராக தேர்வு செய்யப்பட்டுள்ளார்.