கம்மியர் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கம்மியர் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 11 அக்டோபர், 2013

இனி நாள் தோறும் ஆயுத பூசை!

http://img.dinamalar.com/data/largenew/Tamil_News_large_824411.jpg

இனி நாள் தோறும் ஆயுத பூசை!
 
இருசக்கர வாகனங்களைப் பேணும்  முறையை விளக்கும், 'கம்மியர்' இராசேசு: நான், சென்னையில், 'ஆட்டோ மொபைல்ஸ்' கடை வைத்திருக்கிறேன். அதிவேகமான நவீன உலகில், 'டூ வீலர்' எனும், இருசக்கர மோட்டார் வாகனத்தின் பயன்பாடு, அதிகமாக உள்ளது. அவசர அவசரமாக வேலைக்கு செல்லும் வழியில், வண்டி பழுதாகி நடுவழியில் நிற்க வைப்பதுடன், தேவையற்ற பதற்றத்தையும் ஏற்படுத்துகிறது.டூவீலரை முறையாக பராமரிக்காததே, இதற்கு காரணம். சில பராமரிப்பு வழிமுறைகளை பின்பற்றினாலே, தேவையற்ற பதற்றம் மற்றும் செலவுகளை குறைக்கலாம். 'ஸ்டார்ட்டிங் டிரபிள்' பிரச்னை ஏற்பட்டால், 'ஸ்பார்க் பிளக்'கை, 16 அல்லது 19 சைஸ் ஸ்பேனரால் கழற்றி, அதன் அழுக்கை சிறிய கம்பியால் சுத்தம் செய்ய வேண்டும். பின், அடாப்டரோடு, பிளக்கை இணைத்து, இன்ஜின் மேல் வைத்து, வண்டியை ஸ்டார்ட் செய்து, 'கரன்ட்' வருகிறதா என, 'செக்' செய்ய வேண்டும். இல்லையெனில், பிளக்கை மாற்றினால், பிரச்னை தீர்ந்துவிடும். 5,000 கி.மீ.,க்கு ஒரு முறை, 'ஏர் பில்டர், பிளக், கியர் பாக்சை' மாற்றுவதுடன், வாரம் ஒரு முறை, டயர்களில், 'ஏர் செக்' செய்தால், பெட்ரோல் செலவீனம் குறைந்து, 'மைலேஜ்' அதிகரிக்கும்.
பெண்கள் பயன்படுத்தும், 'வித் அவுட் கியர்' வண்டிகளில், 'பிரேக்' பிரச்னை அடிக்கடி வரும். ஏனெ னில், பிரேக் ராடிற்கு பதில், 'கேபிள் கம்பி'களே இருப்பதால், ஆறு மாதத்திற்கு ஒரு முறை, தரமான கேபிள் கம்பிகளை மாற்றுவது அவசியம். காலையில், 'செல்ப் ஸ்டார்டரை' பயன்படுத்தாமல், 'கிக்கர்'களை உதைத்து, 'ஸ்டார்ட்' செய்ய வேண்டும்.
அதிகம் தேங்கியுள்ள மழைநீரில் வண்டி ஓட்டும் போது, 'திராட்டில்' செய்தபடி கொஞ்சம் வேகமாகவும், அதே நேரத்தில் பிரேக்கை லேசாக பிடித்தபடி ஓட்டினால், 'சைலன்ச'ருக்குள் நீர் புகாது. வண்டியில், 'இன்ஜின் ஆயில்' குறைந்தால், சைலன்சரில் அதிகமாக புகை வரும். தொடர்ந்து பல கி.மீ., ஓட்டினால், இன்ஜின், 'சீஸ்' ஆகி, அதிக செலவு வைக்கும். எனவே, 1,500 கி.மீ.,க்கு ஒரு முறை, இன்ஜின் ஆயிலை மாற்றலாம்.

புதன், 3 அக்டோபர், 2012

கம்மியர் வேலையும் எளிதே

சொல்கிறார்கள்

"மெக்கானிக் வேலையும் ஈசி தான்!'கடந்த ஆறு ஆண்டுகளாக, மெக்கானிக்காக பணிபுரியும் சத்யா: எட்டாம் வகுப்பு முடிச்சதும், 14 வயசுலயே திருமணம், அடுத்தடுத்து குழந்தைகள், பிள்ளை வளர்ப்புனே காலம் கரைய, "இது மட்டும் தான் வாழ்க்கையா?'ன்னு யோசிக்கறதுக்குள்ள, பத்து வருஷம் ஓடிடுச்சு. சென்னை, தாம்பரத்தில் வீடு. குழந்தைகள் ஸ்கூலுக்குப் போயிட்டு இருந்தாங்க. "வீட்டுக்குப் பக்கத்துல இருக்கற, கம்யூனிட்டி காலேஜ்ல சேர்ந்து, ஏதாச்சும் கோர்ஸ் படிக்கட்டுமா?' ன்னு கணவர்கிட்ட கேட்டேன். "நல்ல முடிவு'ன்னு பாராட்டினார்.பொழுது போக்கா படிக்காம, உருப்படியா படிக்கணும்னு முடிவெடுத்தேன். நர்சிங், கேட்டரிங் மாதிரியான கோர்ஸ்களை விட, மெக்கானிக்கல் படிக்கணும்னு, மனசு, "டிக்' செய்துச்சு. ஏதோ ஒரு ஆர்வம், உள் மனசை உந்தித் தள்ளுச்சு.என் ஆர்வத்தைப் பார்த்து, ஓசூர் டி.வி.எஸ்., நிறுவனத்தில் பயிற்சியாளரா சேர்த்துக்கிட்டாங்க. அந்த சமயத்துல, குழந்தைகளை விட்டுட்டுப் போற தயக்கத்தை, தவிப்பை, எனக்குத் தராம, "நான் பார்த்துக்குறேன்'னு என்னை நிம்மதியோட அனுப்பி வெச்சார், என் கணவர்.அவர், தாம்பரத்துல இருக்கற, "மெப்ஸ்'ல குவாலிட்டி பிரிவுல வேலை பார்த்துக்கிட்டே, குழந்தைகளையும் கவனிச்சுக்கிட்டார்.நான், ஒர்க்ஷாப்ல பல ஆண்களுக்கு மத்தியில், ஒற்றைப் பெண்ணா இருந்தாலும், அவங்க எல்லாரும், "உன்னால முடியும்... செய்'ன்னு, "ஸ்பேனர்' பிடிக்கறதுல இருந்து, ஒவ்வொண்ணையும் பொறுமையா கத்துக் கொடுத்தாங்க.பயிற்சிக்குப் பிறகு, சென்னையில இருக்கிற, பிரபா டி.வி.எஸ்., நிறுவனத்துல வேலைக்கு சேர்ந்தேன். நான் லேடிங் கறதால, "இவளால, வண்டியில உள்ள ரிப்பேரை, ஒழுங்கா முடிச்சுட முடியுமா?' ன்னு ஆரம்பத்தில், சந்தேகத்தோட பார்த்த வாடிக்கையாளர்கள், சர்வீஸ் முடிஞ்சு, வண்டியை ஓட்டிப் பார்த்துட்டு, "க்ளீன் ஒர்க்... சூப்பர் சத்யா!'ன்னு பாராட்டும் போது, இந்த வேலை மேல, எனக்கு இன்னும் ஈர்ப்பு அதிகமாயிட்டே தான் இருக்கு.இது தான், என்னை, "எக்ஸ்பர்ட் மெக்கானிக்'குங்கற அடுத்த பதவிக்கு, பரிந்துரை செய்ற அளவுக்கு, உயர்த்தி இருக்கு. கூடிய விரைவில், இதுக்காக, டிரெயினிங் போகப் போறேன்.