வாக்காளர் பட்டியலில் திருத்தம்: எண் 1913- இல் தொடர்பு கொள்ளலாம்

By Web Dinamani, சென்னை

First Published : 18 October 2013 09:00 PM IST

வாக்காளர் பட்டியலில் திருத்தம் மேற்கொள்வது தொடர்பான விளக்கங்களை சென்னை மாநகராட்சி கட்டுப்பாட்டு அறையில் தொடர்பு கொண்டு தெரிந்து கொள்ளலாம் என்று தெரிவிக்கப்பட்டுள்ளது.இது குறித்து மாநகராட்சி வெளியிட்டுள்ள செய்தி: சென்னையில் உள்ள 16 சட்டப்பேரவை தொகுதிகளில் உள்ள நிர்ணயிக்கப்பட்ட மையங்களில் வாக்காளர் பட்டியலை பொதுமக்கள் சரி பார்க்கவும், பெயர் சேர்த்தல், திருத்தம் மேற்கொள்ளுதல், நீக்குதல் போன்ற பணிகளை மேற்கொள்வதற்கான சிறப்பு முகாம்கள் வரும் 20 மற்றும் 27 ஆகிய தேதிகளில் நடைபெறவுள்ளன.மேலும் பெயர் சேர்த்தல், நீக்குதல், திருத்தம் மேற்கொள்ளுதல் போன்றவை தொடர்பான விளக்கங்களை பெற  சென்னை மாவட்ட தேர்தல் அலுவலத்தில் அமைக்கப்பட்டுள்ள கட்டுப்பாடு அறையில் 1913 என்ற எண்ணில் தொடர்பு கொள்ளலாம் என்று அந்த செய்தியில் தெரிவிக்கப்பட்டுள்ளது.

வாக்காளர் பட்டியலில் பெயர் சேர்க்க புது நடைமுறை

அறிவித்தால் மட்டும் போதாது. வாக்குரிமைக்குரிய அகவை  வந்த ஒவ்வொருவரையும் வாக்காளர் பட்டியலில் சேர்ப்பது அரசின் பொறுப்பாக இருக்க  வேண்டும். நாங்கள் முதலில் மயிலாப்பூர் காரணீசுவரர் கோயில் தெருவில் குடியிருந்தோம். பின்னர் அதன் பக்கத்தில் உள்ள மாவுஆலை முதல் தெருவிற்கு இடம் மாறினோம். ஆனால்,  வாக்காளர் பட்டியலில் இருந்து பெயர் எடுக்கப்பட்டு விட்டது. பெயர் எடுக்கும் முன்னர் வாக்காளரின் தற்போதைய முகவரி அறியும் முயற்சியில் தேர்தல் ஆணையம் ஈடுபட்டிருக்க வேண்டும். பதிவு அஞ்சலில் மடல் அனுப்பி இருக்க  வேண்டும். அதே நேரம் பதிய இடத்திலும் பெயர் சேர்க்கப்படவில்லை.  “வாக்குப் பதிவு நடைபெற்ற பள்ளிகளில் பெயர்ப்பட்டியல் இருக்கும். சரி பார்க்கலாம்” என்றார்கள். உரிய பள்ளிக்குச்சென்றேன். “அப்படி எங்களிடமும் சொன்னார்கள். ஆனால், பட்டியல் தரவில்லை. எங்களுக்குக் கல்விப்பணி உள்ளதால் நாங்கள் அது குறித்துக்கவலைப்பட வில்லை” என்றனர். அஞ்சலகங்களில் வாக்காளர் பட்டியலைப் பார்த்துச் சரி பார்ககலாம் என்றார்கள். அஞ்சலகம் சென்றால், இங்கே யாரும் வந்து  கேட்கவில்லை. எனவே, உரிய நாளுக்கு முன்னரே திருப்பி அனுப்பி விட்டோம் என்றனர். தொகுதி அலுவலகங்களில் வாக்காளர் பட்டியலைப் பார்க்கலாம் என்றனர். அவ்வாறு சென்று பார்த்தால் மூடிக் கிடக்கிறது. தொலை பேசி வழி  வருவாய்த்துறையில் விசாரித்தால் எல்லாத் தொகுதி அலுவலகங்களுக்கும் பட்டியலை அனுப்பவில்லை. சிலவற்றிற்கு மட்டுமே அனுப்பி உள்ளோம் என்றனர். அடுத்து இணைய வழி பதிவு செய்தோம்.  சரிபார்த்துப் பட்டியலில் சேர்க்கப்படும் என்றார்கள். ஆனால், அப்பொழுதும் பட்டியலில் பெயர் சேர்க்கப்படவில்லை. இதுதான் தேர்தல் ஆணையமும் வருவாய்த்துறையும் வாக்காளர்களைச் சேர்க்கும் அழகு. இந்த முறை மாற்றப்பட வேண்டும். வாக்காளர் பெயர் காரணமின்றி எடுக்கப்பட்டாலோ, சேர்க்கப்படாமல் இருந்தாலோ தொடர்புடைய அதிகாரிகளுக்குத் தண்டனை எனக்  கொண்டு வரவேண்டும். வெறும் அறிவிப்புகளால் பயனில்லை. அன்புடன் இலக்குவனார் திருவள்ளுவன் /தமிழே விழி! தமிழா விழி!

எழுத்தைக்காப்போம்! மொழியைக் காப்போம்! இனத்தைக் காப்போம்!/

வாக்காளர் பட்டியலில் பெயர் சேர்க்க புது நடைமுறை: 944 இணையதள மையங்களுடன் தேர்தல் ஆணையம் ஒப்பந்தம்

சென்னை: வாக்காளர் பட்டியலில், பெயர் சேர்க்க விரும்புவோர், இனி தாலுகா அலுவலகத்திற்கு அலைய வேண்டியது இல்லை. இணையதள மையங்களில் இருந்து, ஆன்-லைன் மூலம் விண்ணப்பிக்கலாம். தமிழகத்தில், 944 இணையதள மையங்களுடன், தேர்தல் கமிஷன் ஒப்பந்தம் செய்துள்ளது.

வாக்காளர் பட்டியலில், பெயர் சேர்க்க, நீக்க, திருத்தம் செய்ய, இடமாற்றம் செய்ய, முன்பு தாலுகா அலுவலகம் அல்லது ஆர்.டி.ஓ., அலுவலகம் செல்ல வேண்டி இருந்தது. அங்கு செல்ல முடியாதவர்கள், அரசியல் கட்சியினரின் உதவியை நாடினர்.

ஆர்வம் குறைவு:

இதை தவிர்க்க, தேர்தல் கமிஷன், ஆன்-லைனில் விண்ணப்பிக்கும் முறையை அறிமுகப்படுத்தியது. தமிழகத்தில், கடந்த, இரண்டு ஆண்டுகளாக, ஆன்- லைனில் விண்ணப்பிக்கும் முறை, அமலில் உள்ளது. ஆனால், மக்கள் ஆன்-லைனில் விண்ணப்பிக்க, ஆர்வம் காட்டவில்லை. கேரளாவில், 75 சதவீதம் பேர், ஆன்-லைனில் விண்ணப்பிக்கின்றனர். ஆந்திராவில், 40 சதவீதம் பேர், ஆன்-லைனில் விண்ணப்பித்து உள்ளனர். தமிழகத்தில், 7.8 சதவீதம் பேர் மட்டுமே, ஆன்-லைனில் விண்ணப்பித்துள்ளனர். நடப்பாண்டு, வாக்காளர் பட்டியலில் பெயர் சேர்க்க, 2.5 லட்சம் பேர் விண்ணப்பித்துள்ளனர். இவர்களில், 20 ஆயிரம் பேர் மட்டுமே, ஆன்-லைன் மூலம் விண்ணப்பித்து உள்ளனர். ஆன்-லைனில் விண்ணப்பிப்பது எளிது. விண்ணப்பங்களை, கள அலுவலர்கள், நேரடியாக விசாரித்து சரி பார்த்த பிறகே, பெயர், வாக்காளர் பட்டியலில் இடம் பெறும். அதன்பின், வாக்காளர் அடையாள அட்டை வழங்கப்படும். ஆனால், கம்ப்யூட்டர், லேப்டாப் வசதி இல்லாதவர்கள், ஆன்-லைனில் விண்ணப்பிக்க முடிவதில்லை.

ஒப்பந்தம்:

இப்பிரச்னைக்கு தீர்வு காண, நாட்டில் முதன் முறையாக, தமிழகத்தில் இணையதள மையங்களுடன், தேர்தல் கமிஷன் ஒப்பந்தம் செய்துள்ளது. இதற்கு குறைந்த கட்டணம் நிர்ணயம் செய்யப்பட்டுள்ளது. இணையதள மையங்களில், வாக்காளர் பட்டியலில் பெயர் சேர்க்க செல்லும்போது, அடையாள அட்டை எதுவும் தேவை இல்லை. ஆனால், அலுவலர்கள் ஆய்வுக்கு வரும்போது, இருப்பிடச் சான்றிதழ், வயது சான்றிதழ் ஆகியவற்றை காண்பிக்க வேண்டும். சென்னையில், இப்பணியை மேற்கொள்ள உள்ள, 84 இணையதள பயிற்சியாளர்களுக்கு, மாநகராட்சி அலுவலக கட்டடத்தில், பயிற்சி அளிக்கப்பட்டது.

இணையதள மையங்கள்:

இது குறித்து, தமிழகத் தலைமை தேர்தல் அதிகாரி பிரவீண்குமார் கூறியதாவது: இணையதள மையங்களில், விண்ணப்பிப்போருக்கு ரசீது வழங்கப்படும். அதில் உள்ள எண்ணை பயன்படுத்தி, விண்ணப்பம் எந்த நிலையில் உள்ளது என்பதையும், ஆன்- லைனில் அறிந்து கொள்ள முடியும். ஆன்-லைனில் விண்ணப்பித்த, 40 நாட்களுக்குள், வாக்காளர் அடையாள அட்டை வழங்கப்படும். வாக்காளர் அடையாள அட்டையில், திருத்தம் செய்யவும் விண்ணப்பிக்கலாம். திருத்தம் செய்த அடையாள அட்டை வழங்க, கட்டணம் எதுவும் வசூலிக்கப்படாது. ஆனால், திருத்தம் இல்லாமல், இரண்டாவது முறையாக, வாக்காளர் அடையாள அட்டை பெற விரும்பினால், 25 ரூபாய் கட்டணம் செலுத்த வேண்டும். தமிழகம் முழுவதும், 32 மையங்களில், 944 இணையதள மையங்களுக்கு, அனுமதி வழங்கப்பட்டுள்ளது. மக்கள் ஆதரவை பொறுத்து, கூடுதல் இணைய தள மையங்களுக்கு, அனுமதி வழங்கப்படும். இணையதள மையங்கள், தேர்தல் கமிஷன் அனுமதி அளித்த, கட்டணத்தை விட கூடுதல் கட்டணம் வசூலிக்கக் கூடாது. வாக்காளர்கள் புகார் தெரிவிக்க விரும்பினால், கட்டணமில்லா தொலைபேசி எண் 1950ஐ, தொடர்பு கொள்ளலாம். இவ்வாறு, அவர் தெரிவித்தார்.

கட்டணம் நிர்ணயம்:

இணையதள மையங்களில், வாக்காளர் பட்டியலில் பெயர் சேர்க்க, நீக்க, திருத்தம் செய்ய, இடமாற்றம் செய்ய, 10 ரூபாய்; வாக்காளர் பட்டியலை, பிரின்ட் எடுக்க விரும்பினால், ஒரு பக்கத்திற்கு, 3 ரூபாய்; வாக்காளர் பெயர், ஓட்டுச் சாவடி, விண்ணப்பத்தின் நிலை, ஆகியவற்றை அறிந்து கொள்ள, 2 ரூபாய்; புகார் பதிவு செய்ய, 10 ரூபாய், கட்டணம் வசூலிக்கப்படும். கட்டண விவரம், இணையதள மையங்களில் எழுதி வைக்கப்படும்.

மேலவை வாக்காளர் பட்டியலில் பெயர் சேர்ப்பதில் சிக்கல்

பணியாற்றுவோர் தங்கள் பணிப்பதிவேட்டில் பட்டத்தகுதி குறிக்கப்பெற்றுள்ள பக்கத்தின் நேர்படியை  அளித்தால் போதும் எனப்படுகிறது.
சான்றிதழைச்சரிபார்ப்போரிடம் அரசு தக்க வகையில் அறிவுறுத்த வேண்டும்.  பணியிடங்களுக்கே சென்று வாக்காளர் பெயர்களைச் சேர்க்கும்  முகாம்கள் அரசால் நடத்தப்பட வேண்டும். வாக்காளர்  பட்டியலில் பெயர் சேர்ப்பதற்கு மேலும் கால வாய்ப்பை வழங்க வேண்டும்.

அன்புடன் இலக்குவனார் திருவள்ளுவன்

நிறுவனங்களிடம் சிக்கிய அசல் கல்விச்சான்றுகள்: மேலவை வாக்காளர் பட்டியலில் பெயர் சேர்ப்பதில் சிக்கல்; சான்றிதழ்கள் இல்லாததால் பட்டதாரிகள் அவதி

என்.தமிழ்ச்செல்வன்

First Published : 06 Dec 2010 04:25:15 AM IST

Last Updated :

திருப்பூர் : தனியார் நிறுவனங்களிடம் பணிக்குச் சேர்ந்துள்ள பெரும்பாலான பட்டதாரிகளின் அசல் கல்விச்சான்றிதழ்களை அந்த நிறுவனங்களின் நிர்வாகங்களே பெற்று வைத்துள்ளன. இதனால், மேலவை வாக்காளர் பட்டியலில் பெயர் சேர்க்க ஆர்வம் இருந்தும், அசல் கல்வி சான்றிதழ் இல்லாமல் பட்டதாரிகள் அவதிக்குள்ளாகி வருகின்றனர்.÷தமிழக சட்டமேலவைத் தேர்தலையொட்டி அமைக்கப்பட்டுள்ள 7 பட்டதாரி தொகுதிகள், 7 ஆசிரியர் தொகுதிகளில், பட்டதாரிகள், ஆசிரியர்களின் பெயர்கள் வாக்காளர் பட்டியலில் சேர்க்கப்பட்டு வருகின்றன. இருப்பினும், பட்டதாரிகளிடம் இருந்து போதிய அளவில் விண்ணப்பங்கள் வருவதில்லை.÷உதாரணமாக, மேற்கு மண்டலத் தொகுதிக்கு உட்பட்ட திருப்பூர் மாவட்டத்தில் கடந்த நவம்பர் 22ம் தேதி வெளியிடப்பட்ட வரைவு வாக்காளர் பட்டியலின்படி 6,915 பட்டதாரிகளும், 1,057 ஆசிரியர்களும் மட்டுமே வாக்காளர்களாகச் சேர்க்கப்பட்டுள்ளனர். ÷ டிசம்பர் 7 வரை மேலவை வாக்காளர் பட்டியலில் பெயர் சேர்க்க அவகாசம் வழங்கப்பட்டிருந்தும் பட்டதாரிகள் போதிய அளவில் விண்ணப்பிக்கவில்லை. ÷இதற்கு மேலவை வாக்காளர் பட்டியலில் பெயர் சேர்க்க பட்டதாரிகள் தங்கள் அசல் கல்விச் சான்றிதழைக் காட்ட வேண்டும் என்பதே முக்கிய காரணம் ன்று கூறப்படுகிறது.÷தமிழகத்தில் தற்போதைய சூழ்நிலையில் 75 சதவிகித பட்டதாரிகள் தனியார் நிறுவனங்களிலேயே பணியாற்றி வருகின்றனர். பெரும்பாலான நிறுவனங்கள், பட்டதாரிகளை வேலைக்குச் சேர்க்கும் போதே அவர்களின் அசல் கல்விச் சான்றிதழ்களைப் பெற்று வைத்துக் கொள்கின்றன. குறிப்பாக திருப்பூர் போன்ற தொழில் நகரங்களிலுள்ள நிறுவனங்களில் பணியமர்த்தப்படும் பட்டதாரிகளிடம் அசல் கல்விச் சான்றிதழ் பெறுவது கட்டாயமாக உள்ளது.÷தகுதி வாய்ந்த பட்டதாரிகள் வேலையை கற்றுத் தெரிந்தவுடன் வேறு நிறுவனங்களுக்கு வேலைக்குச் சென்றுவிடுவதைத் தடுக்கவும், பணிபுரியும் ஊழியர்களாலேயே நிறுவனத்திற்கு ஏதாவது பாதிப்பு ஏற்படுவதைத் தடுக்கவும் இந்த உத்தி கையாளப்படுகிறது.÷இச்சூழ்நிலையில், மேலவைத் தேர்தலுக்கான வாக்காளர் பட்டியலில் பெயர் சேர்க்க அசல் கல்விச் சான்றுகள் கேட்கப்படுவதால், தனியார் நிறுவன நிர்வாகத்திடம் கொடுத்துள்ள சான்றிதழ்களைப் பெற முடியாமல் பட்டதாரிகள் அவதிக்குள்ளாகி வருகின்றனர்.÷மேலவை வாக்காளர் பட்டியலில் பெயர் சேர்ப்பதற்கான விண்ணப்பத்துடன் நகல் கல்விச் சான்றிதழ் இணைத்தால் போதும் என்று தேர்தல் ஆணையம் அறிவுறுத்தியுள்ளது. ஆனால், அந்த நகல் கல்விச்சான்றிதழ்களில் வட்டார வளர்ச்சி அலுவலர், வட்டாட்சியர், பள்ளித் தலைமையாசிரியர், கலை அறிவியல் கல்லூரி முதல்வர், ராணுவப் பள்ளி முதல்வர் ஆகிய 5 பேரில் ஒருவரிடம் அத்தாட்சிக் கையொப்பம் பெற்று வருவது கட்டாயமாக்கப் பட்டுள்ளது. ÷அதன்படி, நகல் கல்விச் சான்றிதழ்களில் கையொப்பம் பெற அந்த அலுவலர்களிடம் செல்லும் பட்டதாரிகள் கல்விச் சான்றிதழைக் காட்ட வேண்டியுள்ளது. இதுகுறித்து பாதிக்கப்பட்ட ஒரு பட்டதாரி இளைஞர் கூறுகையில், ""தனியார் நிறுவனங்கள் அசல் கல்விச் சான்றிதழ் பெறுவது சட்டப்படி குற்றம். இருப்பினும், குடும்பச் சூழ்நிலைக்காக பட்டதாரிகள் வேலை தரும் தனியார் நிறுவனங்களிடம் அசல் கல்விச் சான்றுகளை அடகு வைக்க வேண்டியுள்ளது. இச் சிக்கல் காரணமாகவே மேலவை வாக்காளர் பட்டியலில் பெரும்பாலான பட்டதாரிகளால் பெயர் சேர்க்க இயலவில்லை'' என்றார்.÷இப் பாதிப்புகளைத் தவிர்க்க, தனியார் நிறுவனங்கள் பெற்று வைத்துள்ள அசல் கல்விச் சான்றுகளை அந்தந்தப் பட்டதாரிகளிடமே ஒப்படைக்க வேண்டும் என்று அரசு உத்தரவிட வேண்டும். பட்டதாரிகளிடம் அவர்களின் சான்றிதழ்களைத் தர மறுக்கும் தனியார் நிறுவனங்கள் மீது கடும் நடவடிக்கையும் எடுக்க வேண்டும்.÷இல்லையேல், மாதக் கணக்கில் காலஅவகாசம் கொடுத்தாலும், தகுதியான பட்டதாரிகளால் மேலவை வாக்காளர் பட்டியலில் பெயரைச் சேர்க்க முடியாது.