திருக்கோவிலூர், ஜூலை 16: திருக்கோவிலூரில் பண்பாட்டுக் கழகத்தின் சார்பில் வெள்ளிக்கிழமை (ஜூலை 17) துவங்கும் கபிலர் விழா தொடர்ந்து 5 நாள்கள் நடைபெறுகிறது.விழாவின் முதல் நாளான வெள்ளிக்கிழமை தவத்திரு குன்றக்குடி பொன்னம்பல அடிகளார் தலைமையில் விருது வழங்கும் விழா நடைபெறுகிறது. மேலும் கபிலர் குன்று வழிபாடு, சமய உலா, அறிஞர் உலா, பரிசு நிலா, நாட்டிய நிலா ஆகிய நிகழ்ச்சிகளும் நடைபெறுகின்றன.2-ம் நாள் நிகழ்ச்சியில் (சனிக்கிழமை) சென்னை தமிழ் இசைச்சங்க இசைக் கல்லூரி மாணவர்களின் கலை நிகழ்ச்சிகளும், மங்கள இசை, ஆன்மிக இசை, சீர்காழி மூவர் இசை, நாகசுர இசை, தமிழ் இசை, திருமுறை இசை மற்றும் நாட்டிய அரங்கமும் நடைபெறுகிறது.தினமணி ஆசிரியர் பங்கேற்பு3-ம் நாள் நிகழ்ச்சியில் (ஞாயிற்றுக்கிழமை) "தினமணி' ஆசிரியர் கே.வைத்தியநாதன் தலைமையில் பாராட்டு மன்றம் நடைபெறுகிறது. மேலும் சேலம் காயத்ரி வெங்கடேசன் குழுவினரின் இன்னிசை மன்றம், பத்மஸ்ரீ டாக்டர் கதிரி கோபால்நாத் குழுவினரின் இசை மன்றமும் நடைபெறுகிறது.4-ம் நாள் நிகழ்ச்சியில் (திங்கள்கிழமை) சென்னை திருவாசகச் செந்நாவலர் பா.சற்குருநாதன் குழுவினரின் சிற்றம்பல மேடை-திருமுறை இசை மற்றும் "நம் சமயத்தின் பெருமையை உணராத நாமே குற்றவாளிகள்' என்ற தலைப்பில் வழக்காடு மேடை நிகழ்ச்சியும், ஒன்றியப் பெருந்தலைவர் அலமேலு சின்னதுரை தலைமையில் வேளாண் மேடை நிகழ்ச்சியும் நடக்கிறது. 5-ம் நிகழ்ச்சியில் (செவ்வாய்க்கிழமை) "அரசும் சமயமும்' என்ற தலைப்பில் ஆய்வு அரங்கமும், மனித முன்னேற்றத்திற்கு தேவை தன்னம்பிக்கையா? கடவுள் நம்பிக்கையா? என்ற தலைப்பில் சொல்லாடரங்கமும் நடைபெறுகிறது.
கருத்துக்கள்
அன்புடன் இலக்குவனார் திருவள்ளுவன்
By Ilakkuvanar Thiruvalluvan
7/17/2009 4:01:00 AM
7/17/2009 4:01:00 AM
