ஒலிம்பிக் தொடக்க விழாவுக்கான பிரித்தானிய வீரர்களின் உடை சிறிலங்காவில் தயாரிக்கப்படுவதால் புதிய சர்ச்சை
மீனகம் பதியப்பட்ட நாள்May 8th, 2012 நேரம்: 9:22
ஒலிம்பிக் நிகழ்வில் பிரித்தானிய
வீரர்களுக்கான அதிகாரபூர்வ உடைகளை பிரித்தானியாவின் நெக்ஸ்ட் நிறுவனம்
வெளியிட்டுள்ள நிலையில், லண்டனிலிருந்து வெளியாகும் இன்டிபென்டன் நாளேடு
இந்த தகவலை வெளியிட்டுள்ளது.
ஒலிம்பிக் விழாவின் அதிகாரபூர்வ உடைகளைத்
தயாரிக்கும் பொறுப்பை ஏற்றுள்ள நெக்ஸ்ட் நிறுவனத்தின், சிறிலங்காவில் உள்ள
தொழிற்சாலையில் குறைந்த ஊதியத்துடன் அளவுக்கதிகமான மேலதிக நேரத்திற்கு,
ஏராளமான தொழிலாளர்களிடம் வேலை வாங்கப்படுவதாக குற்றஞ்சாட்டப்பட்டுள்ளது.
உலகின் முதன்மையான விளையாட்டுப்
போட்டியில் அதிகாரபூர்வமாகப் பங்கெடுக்கும் நிறுவனத்தின் தகைமையை
கேள்விக்குட்படுத்தக் கூடிய இந்தக் குற்றச்சாட்டை நெக்ஸ்ட் நிறுவனம்
மறுத்திருக்கிறது.
ஆனால், இது தொடர்பாக விசாரணை ஒன்றை
நடத்துவதற்கு அந்த நிறுவனம் உடன்பட்டிருப்பதாக இன்டிபென்டன் நிறுவனத்தின்
செய்தியில் கூறப்பட்டுள்ளது.
நெக்ஸ்ட் நிறுவனத்தின் சிறிலங்கா
தொழிற்சாலையில் சுமார் 2500 தொழிலாளர்கள் லண்டன் 2012 என்ற ஒலிம்பிக்
விழாவுக்கான உடைகளைத் தயாரிக்கும் பணியில் ஈடுபட்டிருக்கின்றனர் என்பது
குறிப்பிடத்தக்கது.
வழிமூலம் – பிபிசி
கருத்துகள் இல்லை:
கருத்துரையிடுக