கவிஞர்களுக்கும் நாடகப்படைப்பாளர்களுக்குமான போட்டி

விடுதலை வேங்கை குயிலி - உலகின் முதல் தற்கொடைப் போராளி

விடுதலை வேங்கை குயிலி - உலகின் முதல் தற்கொடைப் போராளி

அசாம் மாநிலத் திரும்பல் : கருத்துப்படம்,தினமலர்

மதுரைக் காவல் துறையில் முறையிட

காவல்துறை யிடம் (போலீசில்) புகார் தெரிவிக்க...
மதுரையில்
* காதை செவிடாக்கும் ஒலிபெருக்கி தொல்லையா,
* பட்டாசு வெடிக்கிறார்களா
* மொபைல் போனில் பேசியவாறு வாகனம் ஓட்டுகிறார்களா,
* "பார்க்கிங்'கில் கூடுதல் கட்டணம் வசூலிக்கி றார்களா,
* பெண்களிடம் ஈவ்டீசிங் செய்கிறார்களா,
* பள்ளி, கல்லூரி அருகே மாணவர்களை சீரழிக்கும் போதை பொருள் விற்கிறார்களா.
உடனடியாக மாவட்ட எஸ்.பி., பாலகிருஷ்ணனிடம் தெரிவிக்க 94897 09003.
நகரில் சட்டம் ஒழுங்கு துணைக் கமிஷனர் திருநாவுக்கரசு 87544 33007.
கமிஷனர் அலுவலகம்: 0452 - 235 0760(எஸ்.எம்.எஸ்., மூலமும் தெரிவிக்கலாம்)

வழுக்கையை த் தடுக்க களிம்பு கண்டுபிடிப்பு (வெங்காயம் பயன்படுத்தினால் போதுமே!)

வழுக்கையை த் தடுக்க களிம்பு கண்டுபிடிப்பு

தினமலர்

இலண்டன்: தலை வழுக்கையாகி விடுமோ என்ற கவலை இனி தேவையில்லை. வழுக்கை வராமல் தடுக்க புதிய களிம்பு கண்டுபிடிக்கப்பட்டுள்ளது. முதியோருக்கு மட்டுமல்லாமல், தற்போது இளைஞர்களிடமும் வழுக்கை என்பது அதிகரித்து வருகிறது. இதை தடுக்க வழிதெரியாமல், பலரும் அவதிப்படுகின்றனர். சிலர் செயற்கை முடிகளை நடும் தொழில்நுட்பத்தை பயன்படுத்து கின்றனர். வழுக்கை வராமல் தடுக்க என்ன வழி என்பது குறித்து பென்சில்வேனியா பல்கலைக்கழக தோல் சிகிச்சைத்துறை நிபுணர்கள் பல்வேறு ஆய்வுகளில் ஈடுபட்டனர். இந்த ஆய்வின் மூலம், நம் உடலில், புரோஸ்டேட் சுரப்பியில் "பிஜிடி 2' என்ற "என்சைம்' தான் வழுக்கைக்கு காரணம் என்பதை கண்டறிந்துள்ளனர். இந்த என்சைமை தடுப்பதற்கான, களிம்பை தான் நிபுணர்கள் உருவாக்கி உள்ளனர். இது வியாபார ரீதியாக விற்பனைக்கு வருவதற்கு இன்னும் இரண்டு ஆண்டுகள் காத்திருக்கவேண்டும். இந்த களிம்பை( லோஷன்) தயாரித்து, சந்தைப்படுத்துவது குறித்து தற்போது மருந்து தயாரிப்பு நிறுவனங்களுடன் பேச்சு வார்த்தை துவங்கியுள்ளது.

கடற்கரைச் சடுகுடுவில் இந்தியாவிற்கு வெற்றி தேடித் தந்தேன்...

சொல்கிறார்கள்

 தினமலர்

"இந்தியாவிற்கு வெற்றி தேடித் தந்தேன்...!'
"பீச்' கபடி விளையாட்டில், சர்வதேச அளவில் கவனம் ஈர்த்த மார்ஷல் மேரி: விழுப்புரம் மாவட்டம், சவேரியார்பாளையம் கிராமம் தான், என் சொந்த ஊர். கடுமையான பொருளாதாரச் சிரமத்திலும், என் பெற்றோர், என்னை தொடர்ந்து படிக்க வைத்தனர்.
எங்கள் கிராமத்தில் ஆண்களுக்கும், பெண்களுக்கும், தனித்தனியாக நடக்கும் கபடி போட்டிகளை, ஆர்வமாக பார்ப்பேன். எட்டாம் வகுப்பு படித்துக் கொண்டிருந்த போது, எனக்கும் கபடி விளையாட ஆசை வந்தது. ஆட்ட நுணுக்கங்கள் தெரிந்திருந்தாலும், நான் உயரமாக இருப்பதால், கபடி விளையாட்டு மேலும் எளிதானது.
மாவட்ட அளவிலான போட்டியில் விளையாட வாய்ப்பு கிடைத்தது. அங்கு சிறப்பாக விளையாடியதால், தமிழக கபடி அணிக்குத் தேர்வாகி, தேசிய அளவிலான போட்டிகளில், தமிழக அணியின் வெற்றிக்கு காரணமானேன்.
ஆரம்பத்தில், கபடி மட்டும் விளையாடி வந்தேன். கல்லூரியில் இரண்டாம் ஆண்டு படித்த போது, பயிற்சியாளர் அறிவுரைப்படி, "பீச்' கபடி விளையாடத் துவங்கினேன். "பீச்' கபடி கடினமானது. மணலுக்குள் கால்களை புதைத்துக் கொண்டு விளையாட வேண்டும்; இதனால், கடும் கால் வலியும், மூச்சிறைப்பும் ஏற்பட்டது. ஆனாலும், மன உறுதியுடன், தினமும் நான்கு மணி நேரம் பயிற்சி செய்கிறேன்.
கடந்த ஆண்டு, இலங்கையில் நடந்த ஆசிய அளவிலான, "பீச்' கபடிப் போட்டியில் விளையாடி, இந்திய அணி தங்கப்பதக்கம் வெல்ல காரணமாக இருந்தேன். அந்தப் போட்டியில், எனக்கு, சிறந்த விளையாட்டு வீராங்கனை என்ற விருது கிடைத்தது.
வெளியூர் போட்டிகளுக்குச் செல்ல, கடன் வாங்கித் தான், என் அப்பா அனுப்பி வைக்கிறார். "பீச்' கபடி விளையாட்டில், சர்வதேச அளவில் விளையாடி, இந்தியாவிற்கு வெற்றித் தேடித் தந்தாலும், இதுவரை, இந்திய அரசோ, தமிழக அரசோ எனக்கு எந்த பரிசுத் தொகையும், எவ்வித உதவிகளும் செய்யவில்லை.

மத்திய அரசின் மெத்தனமே காரணம்: செயலலிதா

மத்திய அரசின் மெத்தனமே காரணம்: செயலலிதா

தினமணி First Published : 21 Aug 2012 03:11:45 AM IST

Last Updated : 21 Aug 2012 03:32:30 AM IST

சென்னை, ஆக. 20: தமிழக மீனவர்கள் தாக்கப்படும் சம்பவத்தை மத்திய அரசு மெத்தனமாக கையாளுவதால், இலங்கைக் கடற்படையினர் தொடர்ந்து அச்சமின்றி மீனவர்களைத் தாக்கியும், துன்புறுத்தியும் வருவதாக பிரதமர் மன்மோகன் சிங்குக்கு எழுதியுள்ள கடிதத்தில் முதல்வர் ஜெயலலிதா குற்றம் சாட்டியுள்ளார்.இது குறித்து பிரதமருக்கு அவர் திங்கள்கிழமை எழுதியுள்ள கடித விவரம்: கடந்த 18-ம் தேதி இலங்கை கடற்படையினரால் தமிழகத்தைச் சேர்ந்த அப்பாவி மீனவர்கள் தாக்கப்பட்டும், துன்புறுத்தப்பட்டதுமான துயரமான சம்பவம் குறித்து தங்களின் கவனத்துக்குக் கொண்டு வர விரும்புகிறேன். நாகப்பட்டினம் மாவட்டம், வேதாரண்யத்தை அடுத்த வெள்ளப்பள்ளம், வானவன்மகாதேவி ஆகிய பகுதிகளைச் சேர்ந்த 18 மீனவர்கள் கடந்த 17, 18-ம் தேதிகளில் கண்ணாடி இழையால் செய்யப்பட்ட 5 பிளாஸ்டிக் படகுகளில் மீன் பிடிக்கச் சென்றனர். அவர்கள் அனைவரும் கடந்த 18-ம் தேதி வெள்ளப்பள்ளம் அருகே 90 அடி ஆழம் கொண்ட கடல் பகுதியில் மீன் பிடித்துக் கொண்டிருந்தனர். அப்போது அங்கு டி-146 எண் கொண்ட படகில் வந்த இலங்கை கடற்படையினர் மேற்கூறிய 5 படகுகளில் மீன் பிடித்துக் கொண்டிருந்த மீனவர்களைத் தாக்கியுள்ளனர். மேலும், மீனவர்கள் வைத்திருந்த ஐஸ் பெட்டி, உணவு மற்றும் மீன்பிடி உபகரணங்களைப் பறிமுதல் செய்து கடலில் வீசியுள்ளனர். மீனவர்களின் வலைகளையும் வெட்டி எறிந்துள்ளனர்.தாக்கப்பட்ட மீனவர்களில் ராமையா மகன் குப்புசாமி என்பவர் வலதுகை மணிக்கட்டில் கத்தியால் வெட்டப்பட்டு காயமடைந்துள்ளார். மேலும் 7 மீனவர்கள் மீது கடற்படையினர் ரப்பர் தடியால் தாக்கியதில் அவர்களும் காயமடைந்துள்ளனர். காயமடைந்த மீனவர்கள் கடந்த 19-ம் தேதி கரைக்குத் திரும்பிய பின்பு அனைவருக்கும் நாகப்பட்டினம் அரசு மருத்துவமனையில் சிகிச்சை அளிக்கப்பட்டுள்ளது.மீன்பிடித் தொழில் மூலம் குறைவான வருமானம் ஈட்டி வரும் ஏழை, அப்பாவி மீனவர்கள் மீது இலங்கை கடற்படையினர் தொடர்ந்து தாக்குதல் நடத்தி வருகின்றனர். இப்போதைய தாக்குதல் அவர்களின் மற்றோர் அக்கிரமமான செயலாகும். இலங்கை கடற்படையினரால் தமிழக மீனவர்கள் தடையின்றி தாக்கப்பட்டு, கொடுமைப்படுத்தப்பட்டுள்ள இந்தச் சம்பவம் என்னை மேலும் துயரமடையச் செய்துள்ளது. நான் ஏற்கெனவே, 23.7.2012-ல் தங்களுக்கு எழுதிய கடிதத்தில், இப் பிரச்னையில் மத்திய அரசு தலையிடாவிட்டால் வரும் மாதங்களில் தாக்குதல் சம்பவம் தொடர வாய்ப்பு உள்ளது என்று கூறியிருந்தேன். இப்போதைய இந்தத் தாக்குதல் சம்பவம் எங்களது சந்தேகத்தை உறுதிப்படுத்தியுள்ளது.தமிழ்நாட்டு மீனவர்கள் தாக்கப்படும் சம்பவத்தை மத்திய அரசு மெத்தனமாக கையாளுவதால் தைரியம் கொண்டுள்ள இலங்கை கடற்படையினர் தொடர்ந்து மீனவர்களை அச்சமின்றி தாக்கியும், துன்புறுத்தியும் வருகின்றனர்.இரு நாடுகளின் தூதரக அளவிலான கூட்டத்துக்குப் பின்பு வெளியிடப்பட்ட அறிவிப்பில், "மீனவர்கள் மீது பலப்பிரயோகம் செய்வதை எந்த வகையிலும் நியாயப்படுத்த முடியாது' என கூறப்பட்டது. அந்த அறிவிப்பு இப்போது காகிதத்தில் மட்டுமே உள்ளது. தூதரகப் பேச்சுவார்த்தை நடைமுறைகளை அலட்சியப்படுத்தி வரும் இலங்கை கடற்படையினர், இந்த அறிவிப்பையும் மீறியுள்ளனர்.எனவே, தாங்கள் இப் பிரச்னையை இலங்கை அரசின் கவனத்துக்கு தீவிரமாக கொண்டு செல்ல வேண்டும். பிழைப்புக்காக தங்களது பாரம்பரிய கடல் பகுதியில் மீன்பிடிக்கும் தமிழக மீனவர்கள் மீது இலங்கை கடற்படையினர் தாக்குதல் நடத்துவது தடுக்கப்பட வேண்டும். இதற்கு கடற்படையினர் அடக்கி வைக்கப்படுவதோடு, எதிர்காலத்தில் இதுபோன்ற தாக்குதல் சம்பவம் நடைபெறாமல் இருப்பதையும் தாங்கள் உறுதி செய்ய வேண்டும். இது தொடர்பாக தங்களது விரைவான நடவடிக்கையை எதிர்பார்க்கிறேன் என முதல்வர் தனது கடிதத்தில் தெரிவித்துள்ளார்.

பேசும்படம், தினமலர்

அன்றோ கூலித் தொழிலாளி! இன்றோ நிறுவன முதலாளி!

சொல்கிறார்கள்

 அன்று  வேளாண்(விவசாய க்) கூலி; இன்று நிறுவன த் தலைவர்!விசா பிரச்னையால் அவதிப்படும் வெளிநாட்டவருக்கு உதவும் நிறுவனத்தை, அமெரிக்காவில் நடத்தி வரும் ஜோதி: ஆந்திராவின் வாராங்கல் மாவட்டத்தில், ஹனுமகொண்டா மண்டலத்தில் உள்ள, நரசிம்மலா கூடம் தான், என் சொந்த ஊர். அம்மா இல்லை; அப்பா விவசாயக் கூலி. 10ம் வகுப்பு முடிக்கும் வரை, பாலசதன் என்ற ஆதரவற்றோர் இல்லத்தில் இருந்தேன்.படிப்பைத் தொடர வேண்டும் என்பது என் கனவு; ஆனால், 16 வயதிலேயே எனக்குத் திருமணம் முடிந்தது. புகுந்த வீட்டிலும் வறுமை தான். என் இரு குழந்தைகளையும் காப்பாற்ற சிரமப்பட்டேன். விவசாயக் கூலியாக வேலைக்குச் சேர்ந்த சமயம், எங்கள் கிராமத்தில், வயது வந்தோருக்கு கல்வி போதிக்கும் மையம் ஒன்று உருவானது. அதில் மாதம், 150 ரூபாய் சம்பளத்துடன், பயிற்றுனர் வேலை கிடைத்தது.என் ஆர்வமும், அர்ப்பணிப்பும், ஹனுமகொண்டா மண்டலத்திற்கே என்னைப் பயிற்றுனராகத் தரம் உயர்த்தியது. இதன் மூலம், மீண்டும் படிக்க எனக்கு வாய்ப்பு கிடைத்தது. முதுகலைப் பட்டம் பெற்று, பி.எட்., முடித்து, அரசுப் பணியில் ஆசிரியராக வேலைக்குச் சேர்ந்தேன்.என் உறவினர்களில் ஒருவர், அமெரிக்காவில் இருந்தார். அமெரிக்க வருமானத்தால், அந்தக் குடும்பம் உயர்வதைக் கண்டு, எனக்கும் ஆசை வந்தது. எப்படியோ கஷ்டப்பட்டு, விசா வாங்கி, அமெரிக்கா சென்றேன். நண்பர் மூலம், அங்குள்ள வீடியோ கடையில், வேலை கிடைத்தது. அங்கு வந்த ஓர் இந்திய வாடிக்கையாளர் மூலம், அமெரிக்க கல்வி நிறுவனத்தில் பயிற்றுனர் வேலை கிடைத்தது. ஆனால், அங்கு பணியாற்ற, எச்-1 விசா வாங்கும் படி நிறுவனம் வற்புறுத்தியது. விசா பெறுவதற்காக நான் அலைந்த அலைச்சல் தான், என்னை ஒரு நிறுவனம் துவக்க தூண்டியது.அமெரிக்காவில் விசா பிரச்னைகளால் அவதிப்படும் வெளிநாட்டவருக்கு உதவி, அதன் மூலம், சிறு கமிஷனை பெறும், "கீ சொல்யூஷன்' என்ற நிறுவனத்தை உருவாக்கினேன்; என் பொருளாதாரம் உயர்ந்துள்ளது.ஆண்டிற்கு ஒரு முறை, இந்தியாவிற்கு வருவேன். ஆதரவற்றோர் இல்லங்களுக்குச் சென்று உதவுகிறேன்.

தன்னம்பிக்கை தளராத கிருட்டிணாராம்! - நலத்திட்டம் செயற்படுத்துவோர் நாண வேண்டும்!

"தன்னம்பிக்கை' தளராத கிருட்டிணாராம்

தினமலர்

மதுரை:வயதான நிலையில், வறுமையில் தவித்தபோதும், நகரெங்கும் நடந்தே சுற்றி பிளாஸ்டிக் மாலைகள் விற்று வயிற்றை கழுவுகிறார் முதியவர் கிருஷ்ணாராம், 78.

திருநகர் அருகே தனக்கன்குளம் திருவள்ளுவர்நகர் மேட்டுக்காலனியில் வசிக்கும் அவரது மனைவி, பதினான்கு ஆண்டுகளுக்கு முன் இறந்துவிட்டார். குழந்தைகள் இல்லாததால் தனிநபராக வசிக்கிறார். திருநகர், திருப்பரங்குன்றம், மதுரை என பல பகுதிகளுக்கும் நடந்து செல்லும் அவர், பிளாஸ்டிக் பூமாலைகளை விற்கிறார். வயதானவர் என கருதி காசு, பணம் கொடுத்தாலும் வாங்க மறுக்கும் அவர், மாலைகளை வாங்கி உதவும்படி கூறுகிறார்.

அவர் கூறுகையில், ""தினமும் ரூ. 50 வரை கிடைக்கும். போதுமானதாக இல்லாவிட்டாலும், சமாளிக்கிறேன். வியாபாரம் ஆகாதபோது, சரிவர உணவு உண்ண முடியாமலும் போகிறது. முதியோர் உதவித் தொகை கேட்டு 2 ஆண்டுகளில் பலமுறை விண்ணப்பித்தேன். இன்னும் கிடைக்கவில்லை,'' என்றார்.

உதவித் தொகையை எதிர்பாராமல், தள்ளாத வயதிலும் "தன்னம்பிக்கையுடன்' வலம் வரும், கிருஷ்ணாராம் பாராட்டுக்குரியவரே.